MAG BUWAG RA MO

ScrollToday800 × 420Search by image

Mao kanay mga pulong nga akong nalitok

Katong nakit-an ko kamo

Nga naglakaw sa kalsada

Nga bisan perting hawana 

Nga bisan ang dalan perting dakoa

Pero nag sikit gihapon mong duha

Basin natingala ka nganong nalitok nako tong mga pulonga 

Basin nagtoo ka ug bitter ra kaayo ko ninyong duha

Baby! Ayaw katingala kay kabalo ko nga kabalo ka

Kung nganong nakaingon ko nga mag buwag ra mong duha!

Mag Buwag ramo!

Mag buwag ramo kay sama sa akoa 

Pasakitan ug biyaan ra gihapon nimo siya.

Imo ra siyang palaumon nga siya sa hangtod imong higugmaon

Nga mag uban mong mag buhat ug kagahapon

Nga siya ra ang imong mahalon

Ug wala nay lain pang panumbalingon.

Ayaw ko himoang tanga kay naagian na nako nang kahimtanga

Kadtong panahona nga kita pa

Nga abi kog ako ra 

Nga abi kog wala tay problema

Pero kalit kang nawala 

Ug kalit kang namiya.

Lami pa kaayo tag mga saad

Nga magkuyog ta sa tanan natong laag

Nga mag uban tang musulbad 

Kung naay mga problemang kalit lang mudasmag.

Pero nganong nibiya man ka?

Nganong ningbuhi ka?

Baby, Aw ex-baby diay 

Kadumdum pa baka kadtong wala pay kita.

Nag sugod ang atong estorya

 Kadtong panahon nga strangers pata sa usag-usa?

Diba murag salida nga kalit nalang ka mitunga 

Gikan ko sa too ug ikaw gikan  sa wala

Unya sa tunga nagkatagbo tang duha.

Murag nihunong akong kalibutan

Sa dihang una ka nakong nakit-an

Kalit lang mipitik ang akong dughan 

Ug ang gisampit niini ang imo lang pangalan

Pag kakita nako sa imong mga mata 

Murag naay music then nindot nga sonata 

Nga murag naay togtog sa gitara 

Nga ang pangalan natong duha ang gilitok ug gikanta

Kadtong tayma, kabalo baka nga gusto nako nga ma akoa ka

Murag atik paminawon

Nga sa kamubo nga panahon 

Akong gilaom

Nga unta imong kasing kasing akong maangkon

Tinuod! naangkon nako imong atensyon

Pero atensyon ra diay ang akong naangkon

Dili ang imong gugma nga sa akoa nagpalaom

Kay imo ra gihapon kung gitapon 

Ug gihimo lang parte sa kagahapon

Maayo pa ug wala nalang ta nag kita

Nga kadtong nagkatagbo ta 

Wala nalang unta nako panumbalinga

Ang paghunong sa kalibutan 

Ug ang pagpitik sakong dughan

Kay imo ra diay kong gibiyaan

Ug imo ra kong pasakitan.

Maayo pa ug nagpadayon nalang ko lakaw

Wala nalang unta ko mitan-aw

Kay unta dili muabot ang adlaw

Nga akong kamot imong buhian 

Ug dili unta ko masakitan

Karon nga ikaw akong nakit-an 

Nga lain nang kamot ang imong gikuptan

Taliwala sa halapad nga dalan.

Maong pasayloa ko 

Kong nakaingon ko nga magbuwag ramo

Kay karon dili nako mutoo

Anang mga saad ug pasalig nimo.

Maong hangyo lang nako sa imo

Unta ayaw buhata sa uban 

Ang imong gibuhat sa akong dughan

Nga igo ra gipapitik 

Sa saad nimong mga atik

Sa mga estorya nimong bulatik

Nga pati ang mga hantik

Nadala sa imong mga pahiyom ug agik-ik

Pasayloa ko nga hantod karon

Ako gihapon nagdahom

Nga imo siyang buwagan ug imo kong balikon

Ug sumpayan nato ang naputol natong relasyon

Ug atong ipadayon 

Ang mga saad sa kagahapon

Nga ikaw ug ako, kitang duha 

Wala nay lain pa

Wala nay lain pa nga mag-apil-apil sa atong estorya

Kay kita ra ang bida niining salidaha

Ug sila puros ra extra.

Oo, mahal gihapon tika

Gihigugma gihapon tika 

Bisan pa ug nibuhi ka 

Bisan pa ug namiya ka

Bisan pa ug ako imong gipaasa

Bisan pa ug wala nakay gugma sa akoa.

Gihigugma gihapon tika 

Ug andam kong mobalik sa imoha

Basta lang ikaw maakoa

Kay love pa tika.

Oo love pa tika

Andam kong gunitan ka

Andam kong magpakatanga

Andam kong balikan ka

Busa palihog

Buwagi na siya!